ՀՀ վերաքննիչ քրեական դատարանի դատավոր Գրիգոր Հովհաննիսյանին
Լիլիթ Աղեկյանի փաստաբան Զարուհի Փոստանջյանից
Դիմում
Հարգելի պարոն Հովհաննիսյան,
Կարդացեք նաև
Ձեր վարույթում է գտնվում հետաքննող լրագրող Լիլիթ Աղեկյանի բողոքը` իր նկատմամբ ՀՀ Շիրակի մարզի առաջին ատյանի ընդհանուր իրավասության դատարանի 09.05.2025 թվականին կալանքը որպես խափանման միջոց մեկ ամսով սահմանելու որոշման դեմ:
20 օր է Լիլիթ Աղեկյանին ապօրինաբար պահում են անազատության մեջ, որից առաջին 30 ժամը նրան ենթարկել են կտտանքների և անմարդկային վերաբերմունքի:
Այժմ Լիլիթ Աղեկյանի բողոքը հասել է Ձեզ և Դուք ունեք հնարավորություն բողոքին շտապ լուծում տրամադրել ու չսպասել օրենքով սահմանված առավելագույն ժամկետին, իսկ առավելագույն ժամկետը` Ձեր կողմից Լիլիթ Աղեկյանի կալանավորման դեմ ներկայացված բողոքի քննության և լուծման համար մինչև 10 օր է:
Այսինքն, Լիլիթ Աղեկյանի բողոքի քննությունը Դուք կարող եք անցկացնել այսօր, կայացնել նրան այսօր ազատ արձակելու որոշում, ինչպես նաև կարող եք այդ որոշումը կայացնել 10 օրվա մեջ, որն արդեն համընկնում է Լիլիթ Աղեկյանի կալանքի ժամկետը կրելու սպառված լինելու փաստի հետ:
Ուստի, հիմք ընդունելով վերոգրյալը խնդրում եմ ղեկավարվելով ՀՀ դատական օրենսգիրք սահմանադրական օրենքով` արդարադատության շահերից ելնելով, ողջամիտ ժամկետ կիրառել և հենց այսօր քննել ու լուծել Ձեր իրավասությանը վերապահված Լիլիթ Աղեկյանի վերաքննիչ բողոքը:
Հ․Գ․
Ես ինձ իրավունք եմ վերապահում կոչ անելու բոլոր այն անձանց, կազմակերպություններին ովքեր այս ընթացքում սրտացավ են եղել Լիլիթ Աղեկյանի խախտված իրավունքների վերականգնման հարցում, իրենք ևս իրենց կողմից նամակ հղեն դատավոր Գրիգոր Հովհաննիսյանի՝ [email protected] էլեկտրոնային հասցեին։
Հարգանոք
Լիլիթ Աղեկյանի փաստաբան՝ Զարուհի Փոստանջյան
27 մայիսի, 2025թ
«Երկիր Ծիրանի» կուսակցության լրատվական ծառայություն
