Դաղստանի մայրաքաղաք Մախաչկալայում ընթացող ճեպազրույցում ի պատասխան հարցին, թե երբ կբացվի Կապանի հյուպատոսությունը, ՌԴ ԱԳՆ պաշտոնական ներկայացուցիչ Մարիա Զախարովան ասել է. «Թե ինչու Կապանում մինչև հիմա չի գործում Ռուսաստանի գլխավոր հյուպատոսությունը, պետք է ճշտել հայկական կողմից»:
Զախարովայի խոսքով՝ Կապանում Ռուսաստանի գլխավոր հյուպատոսություն բացելու հարցը մանրամասն քննարկվել է Ռուսաստանի արտաքին գործերի նախարար Սերգեյ Լավրովի` Հայաստան կատարած այցի ժամանակ:
