Նիկոլ Փաշինյանին անվստահություն հայտնելու գործընթաց սկսած «Քաղաքացիական պայմանագիր» կուսակցության նախկին պատգամավորներ Հովիկ Աղազարյանի եւ Հակոբ Ասլանյանի՝ վարչապետի թեկնածու Էդմոն Մարուքյանին հանդիպեցինք Իսրայելի անկախության 77-ամյակի կապակցությամբ կազմակերպված դիվանագիտական երեկույթի ժամանակ ԱԺ «Քաղաքացիական պայմանագիր» խմբակցության պատգամավոր Արմեն Խաչատրյանի հետ ինչ-որ բան քննարկելիս:
Օգտվելով առիթից՝ Aravot.am-ը Էդմոն Մարուքյանին խնդրեց պատասխանել մի քանի հարցի:
-Պարոն Մարուքյան: Ինչպե՞ս է ընթանում վարչապետին անվստահություն հայտնելու գործընթացը:
-Իմ վաղեմի գործընկերոջ հետ քննարկում ենք զինվորական ծառայության վերաբերյալ օրենքը: Իմպիչմենթից չեմ խոսում:
Կարդացեք նաև
-Իսկ երբեւէ փորձ արե՞լ եք խոսել «Քաղաքացիական պայմանագրի» հետ, որովհետեւ 54 ձայն է հարկավոր:
-Ընդդիմությունը հենց մնացած 34-ը տա, կխոսենք: Բայց հիմա Իսրայելի տոնն է՝ դուք ուզում եք խաթարել:
-Խտրականությո՞ւն եք դնում իշխանական եւ ընդդիմադիր խմբակցությունների միջեւ:
-Բացարձակ:
Աշոտ ՀԱԿՈԲՅԱՆ
