Aravot.am-ի տեղեկություններով, նախորդ օրը՝ մայիսի 26-ին, Շիրակի մարզի ընդհանուր իրավասության դատարանի շենքում արտառոց պատմություն է տեղի ունեցել․ Արթիկ քրեակատարողական հիմնարկի 41-ամյա կալանավորներից մեկը՝ Ե․Չ․-ն ինքնասպանության փորձ է կատարել։
Այդ օրը Շիրակի մարզի ընդհանուր իրավասության դատարանում կայացել է նրա գործով հերթական դատական նիստը, սակայն ժամը 16․00-ի սահմաններում դատավորը նրան հեռացրել է դատական նիստերի դահլիճից ու իջեցրել են դատարանի մեկուսարան։
Այդ ժամանակ նա իր ձեռքին եղած կրակայրիչով ձեռքի ձախ բազուկի շրջանում կատարել է ինքնավնասում։
Կալանավորը հրաժարվել է բուժօգնությունից։ ՀՀ ՆԳՆ ոստիկանության ՀՈԳՎ Մուշի բաժնի ուղեկցող խմբի տեսուչ Ա․Հ․-ն զեկուցագիր է ներկայացրել պետին։
Կարդացեք նաև
Կազմված փաստաթղթերն ուղարկվել են Շիրակի մարզային քննչական վարչություն։
