Ֆրանսիայի Ստրասբուրգ քաղաքում կայացել է «Եվրոպական ժառանգության երիտասարդ կերտողներ» մրցույթի հաղթողների պարգևատրման արարողությունը: Հաղթողները պարգևատրվել են պատվոգրերով:
Ամենամյա համաեվրոպական մրցույթի Հայաստանի ազգային փուլն իրականացնում է Ե. Չարենցի անվան գրականության և արվեստի թանգարանը՝ ԿԳՄՍ նախարարության համակարգմամբ։
Կարդացեք նաև
Այս տարվա հաղթողների ցանկում Հայաստանից ընդգրկվել էր «Սասնա ծռեր․ փայտյա խաղ-փազլ հայկական էպոսի մասին» աշխատանքը, որը ներկայացրել են Հասմիկ Սիմոնյանը և Նարե Թովմասյանը (քաղաք Գյումրի):
Երկու օրերի ընթացքում 5 հաղթող երկրների ներկայացուցիչները հնարավորություն են ունեցել ծանոթանալու միմյանց հետ, ներկայացնելու իրենց աշխատանքը, ճանաչողական այցեր կատարելու Եվրոպական խորհրդարանի շենք և այլն:
Հայաստանը մրցույթին մասնակցում է երկրորդ տարին անընդմեջ և երկու անգամ էլ հաղթողների թվում է:
«Եվրոպական ժառանգության երիտասարդ կերտողներ» մրցույթի նոր շրջափուլի մասին կհայտարարվի առաջիկայում:
ԿԳՄՍՆ ՀԱՍԱՐԱԿԱՅՆՈՒԹՅԱՆ ՀԵՏ ԿԱՊԵՐԻ ԵՎ ՏԵՂԵԿԱՏՎՈՒԹՅԱՆ ՎԱՐՉՈՒԹՅՈՒՆ
