ԱԺ «ՔՊ» խմբակցության պատգամավոր Հասմիկ Հակոբյանի ֆեյսբուքյան իր էջում գրում է.
««Եպիսկոպոսը պետք է լինի անարատ, միակնանի, զգոն, խոհեմ, վայելուչ, հյուրասեր, ուսուցանելու ընդունակ, ոչ խմիչ, ոչ բռնակալ, այլ հեզ, ոչ կռվարար, ոչ փողասեր… Եթե մեկը չգիտե իր տունը կառավարել, ինչպե՞ս կարող է հոգ տանել Աստծո եկեղեցու մասին»։
Տիմոթեոսին Առաջին Թուղթը, գլուխ 3, խոսքերը 2-5
Հայ Առաքելական Եկեղեցում կուսակրոնությունը պարտադիր պայման է բարձրագույն հոգևորականների համար։ Դա ընդամենը ծես չէ, այլ հոգևոր երդում, որով անձը հրաժարվում է աշխարհիկ կյանքից՝ իրեն ամբողջովին նվիրելով Աստծուն ու Եկեղեցուն։
Եվ երբ նման երդում տված հոգևորականի հասցեին կան սեռական վարքի մասին ենթադրյալ մեղադրանքներ, մենք չպետք է աչք փակենք՝ իբրև եկեղեցու հանդեպ հարգանք։ Ճշմարիտ հավատացյալի համար եկեղեցուն պաշտպանելը նշանակում է պաշտպանել նրա մաքրությունը, ոչ թե գլուխներս մտցնենք հողի մեջ, որ չտեսնենք:
Կարդացեք նաև
Անհրաժեշտ է, որ Եկեղեցին սկսի արդար քննություն, եթե խախտել է իր երդումը, պետք է կրի ամբողջական պատասխանատվություն՝ մինչև կարգալուծում կամ գահից հրաժարում։
Հայոց Եկեղեցու «Կանոնագիրք Հայոց»-ը հստակ է․
• ԻԶ կանոն (16) – կուսակրոնության ուխտի խախտման դեպքում հոգևորականը կարող է կարգալուծվել կամ հեռացվել հաղորդությունից։
• ԻԷ կանոն (17) – բարոյական խախտումների դեպքում նախատեսվում է կարգից զրկում։
Հոգևոր իշխանությունը միայն հավատացյալների հարգանքի պայմաններում գոյություն ունի»։
ՖԲ օգտատերերից մեկը հարցրել է. «Որտեղից ձեզ նման տեղեկություն որ կուսակրոն չեն եպիսկոպոսները»: Եվ ԱԺ պատգամավորը պատասխանել է. «Ենթադրյալ կասկած է, որը պետք է ապացուցվի կամ հերքվի»:
