«Թոշակառու եմ։ Իմ՝ թոշակառուի քարտից 5 միլիոն գողացվել է։ Վարկ է ձևակերպվել հինգ միլիոն դրամի ու իսկույն քաշվել»,- ՀՀ ԱԺ նախասրահում լրագրողների հետ զրույցում ասաց վարկային խարդախությունների զոհ դարձած քաղաքացիների ցույցի մասնակիցներից մեկը։
Նա պատմեց, որ ցանկանում էր list.am-ում մի գիրք վաճառել, այդ ժամանակ իրեն եկել է մի հղում, որ պետք է մտներ դրանով, որ գիրքը գնողը կարողանար իրեն վճարել․ «Բացվեց Ինեկոբանկի պատուհանը։ Այսինքն՝ ես իմ տվյալները երրորդ անձի չեմ տվել, տվել եմ Ինեկոբանկին։ Ինեկոբանկում են թույլ տվել, որ այդ մարդը պետք է փոխանցում անի։ Ես տեսա, որ վարկ են ձևակերպում և հինգ միլիոնը քաշում, տանում․․․Հասարակ մի ծրագիր պիտի լիներ, որ բանկը իսկույն նույնականացներ, բայց օրենսդրությունը դա չի պարտադրում։ Իմ՝ Ինեկոբանկի հավելվածը բաց էր, մեկ էլ տեսնեմ վարկ է ձևակերպվել, ու փողերը քաշում են։ Դա անհնար կլիներ, եթե նույնականացումը նորմալ արվեր։ Խաբնվել եմ ես, որ դա եղել է Ինեկոբանկի պատուհանը։ Ինքը բանկը պետք է կարողանա այնպես նույնականացնել իր շահառուներին, որ նման բան տեղի չունենա»։
Տաթև ՀԱՐՈՒԹՅՈՒՆՅԱՆ
Կարդացեք նաև
