Բլոգեր Արթուր Չախոյանն ահազանգում է՝ Սուրբ Գր. Լուսավորիչ եկեղեցու դիմացի բարեկարգված այգին շատ կարճ ժամկետում դարձել է անբարեկարգ: Հատակը, որը բարեկարգվել էր բնական քարերով, արդեն ճաքճքել, քանդվել է:
Չախոյանը հիշում է, որ նշված այգին բարեկարգման հանձնվեց 2023-ին, իսկ այս տարվա փետրվարին Երեւանի քաղաքապետը գործակարգավարական նիստում ընդունեց ավարտական ակտը:
Բլոգերի խոսքով, ընդհանուր առմամբ 900.000 դոլար է հատկացվել այգու բարեկարգման աշխատանքների համար. «Երբ տեսնում եմ ՝ ոնց են այդ գումարները դուրս գրվել, այդ թվում, այդ նույն այգում մեկ ծառի համար քաղաքապետարանը վճարել է 220.000 դրամ, այն դեպքում, երբ շուկայական արժեքը մոտ 20.000 դրամ է, հասկանում եմ՝ մեկին տասը ավել են ասել:
Իմ աչքով, որ նայում եմ՝ ինչ անորակ նյութերով է իրականացրել բարեկարգումը, որ հատակը բնական քար է, արդեն քանդվում է, լուսավորությունն ինչ անորակ է, ծառերն արդեն երկրորդ անգամ են չորանում: Իմ հաշվարկով մոտ 400.000 դոլար արժողությամբ բարեկարգում է եղել: Սա կոռուպցիայի դասական օրինակ եմ համարում: Եթե կա թերություն, անորակ աշխատանք ու Երեւանի քաղաքապետարանն այդ անորակ աշխատանքն ընդունում է, այդտեղ միայն տեսնում եմ կոռուպցիա: Եթե քաղաքապետարանը չընդուներ, թերությունների հետեւից գնար, շինարարին շտկումներ անել տար, նման կասկածներ չէին առաջանա»:
Կարդացեք նաև
Մեր զրուցակիցն ասաց, որ մամուլի հրապարակումներից հիշում է, որ ՔՊ-ին փոխկապակցող ընկերություն էր այգու բարեկարգումն իրականացրել:
Դու էլ Հայաստանում քո հացը գտար․․․