Հրապարակվել է «ՔՀԿ չափիչ 2024» թվականի տարածաշրջանային զեկույցը։
Չնայած տարածաշրջանում առկա անվտանգային և քաղաքական մարտահրավերներին՝ քաղաքացիական հասարակության կազմակերպությունները շարունակում են կարևոր դերակատարում ունենալ ժողովրդավարական բարեփոխումների խթանման գործում։ Դրանք մնացել են կայունության և ժողովրդավարության հենասյուները, որոնց հզորացումը շարունակում է ունենալ կենսական նշանակություն։
📌2024 թվականի տարածաշրջանային զեկույցը կազմվել է վեց երկրների տվյալների հիման վրա՝ ՔՀԿ Չափիչի փորձագիտական խմբի կողմից իրականացված շարունակական մոնիտորինգի և քաղաքացիական հասարակության միջավայրի համապարփակ վերլուծության արդյունքում։
📕Զեկույցում առանձնացվել են երեք հիմնական առաջնահերթություններ՝
✅Ապահովել անվտանգ տարածք, պաշտպանել քաղաքացիական ազատություններն ու դադարեցնել ճնշումները քաղաքացիական հասարակության նկատմամբ,
✅Աջակցել ՔՀԿ-ների կայունությանը և գոյատևմանը,
✅Խթանել անվտանգությունը Արևելյան գործընկերության տարածաշրջանում՝ կառուցելով գործընկերային երկխոսություն քաղաքացիական հասարակության հետ։
Կարդացեք նաև
📌Ըստ զեկույցի՝ Հայաստանը, Մոլդովայի հետ միասին, տարածաշրջանում առաջատար դիրք է գրավում քաղաքացիական հասարակության միջավայրի ընդհանուր գնահատման ցուցանիշով, իսկ Ուկրաինան հետևում է այս երկրներին փոքր տարբերությամբ։ Միևնույն ժամանակ, Հայաստանը զգալիորեն հետ է մնում «Պետական աջակցություն» և «Պետություն-ՔՀԿ համագործակցություն» ոլորտներում՝ ինչը պայմանավորված է ՔՀԿ-ների և նվիրատուների համար ոչ բարենպաստ հարկային քաղաքականությամբ և դաշտի զարգացման ռազմավարական մոտեցման բացակայությամբ։
🟦«ՔՀԿ չափիչ 2024» տարածաշրջանային զեկույցին, ինչպես նաև «ՔՀԿ չափիչ Հայաստան-2024» զեկույցին կարող եք ծանոթանալ մեր կայքում:
Թրանսփարենսի Ինթերնեշնլ Հայաստան
