2024 թվականին ոստիկանության 17 ծառայող ազատվել է ծառայությունից՝ թմրանյութ օգտագործելու հիմքով։ 2025 թվականի առաջին ամիսներին այդ թիվը հասել է 10-ի․ այս մասին այսօր խորհրդարանում, 2024 թվականի բյուջեի կատարողականի քննարկումների ժամանակ հայտարարեց ՆԳ նախարար Արփինե Սարգսյանը։ Նաեւ հավելեց, որ վաղը կառավարության նիստում կքննարկվի մի նախագիծ, ըստ որի ՆԳՆ համակարգի աշխատողները տարվա ընթացքում մեկ անգամ պարտադիր պետք է անցնեն թմրանյութի օգտագործման բացահայտման թեստավորում։ Թեսթավորումն իրականացվելու է՝ ցանկացած պահի՝ վերադասի կասկածների դեպքում։
ՆԳ նախարարը պատասխանում էր Ագնեսա Խամոյանի հարցին։ Վերջինիս մոտ տպավորություն է, որ նախարարն էլ է ընկել թրենդի մեջ․ «Ուզում եք պայքար մղել մի երեւույթի դեմ, որը գուցե դպրոցում այդքան մեծ չէ, որքան ուժային կառույցներում թմրանյութերի տարածվածությունը, կամ ժամանցի վայրերում, որտեղ իրավապահ մարմինների մուտքը մի շատ հայտնի դեպքից հետո շատ կոնկրետ արգելվել է»։
Ագնեսա Խամոյանը դեպքեր գիտի, երբ ոստիկանությունը խուսափում է մտել կոնկրետ ժամանցի վայրեր, որտեղ իրականում իրացվում են թմրանյութերը։
Մանրամասները՝ տեսանյութում
Կարդացեք նաև
Թմրանյութերի թեման շարունակեց ՔՊ-ական Արսեն Թորոսյանը։ Նա նաեւ նախարարից հետաքրքրվեց՝ ինչո՞ւ պարեկներն ամրագոտի չեն կապում եւ խոստացավ՝ նկարել՝ ուղարկել բազմաթիվ նման դեպքեր, երբ պարեկներն առանց ամրագոտու են։
Մանրամասները՝ տեսանյութում
Քննարկումն ամբողջական՝ այստեղ
Նելլի ԳՐԻԳՈՐՅԱՆ
