ԱՄՆ նախագահ Դոնալդ Թրամփը հայտնել է, որ հեռախոսազրույց է ունեցել ՌԴ նախագահ Վլադիմիր Պուտինի հետ, և որ նրանց զրույցը տևել է 1 ժամ 15 րոպե:
«Նոր ավարտեցի հեռախոսազրույցը Ռուսաստանի նախագահ Վլադիմիր Պուտինի հետ: Զրույցը տևեց մոտ մեկ ժամ և 15 րոպե: Մենք քննարկեցինք Ուկրաինայի հարձակումները Ռուսաստանի ինքնաթիռների վրա, ինչպես նաև տարբեր այլ հարձակումներ, որոնք տեղի են ունենում երկու կողմից: Դա լավ զրույց էր, բայց ոչ այնպիսին, որը կտանի անմիջական խաղաղության: Նախագահ Պուտինը իսկապես ասաց, և շատ վճռական է, որ ինքը պիտի պատասխանի վերջին հարձակումներին օդանավակայանների վրա:
Մենք նաև խոսեցինք Իրանի թեմայով և այն մասին, որ Իրանի որոշման ժամանակը միջուկային հարցում սպառվում է, և այն պետք է արագ ընդունել: Ես հայտարարեցի նախագահ Պուտինին, որ Իրանը չի կարող ունենալ միջուկային զենք, և այս հարցում, կարծում եմ, մենք համաձայն էինք: Նախագահ Պուտինը առաջարկեց, որ ինքը կմասնակցի Իրանի հետ բանակցություններին և, հնարավոր է, օգտակար լինի դրանց ավելի արագ ավարտի գործում: Իմ կարծիքով, Իրանը ձգձգում է որոշման ընդունումը այս շատ կարևոր հարցում, և մեզ անհրաժեշտ կլինի վերջնական պատասխան շատ կարճ ժամանակահատվածում»:
Կարդացեք նաև
