Փաստաբան, «Հայրենիք» կուսակցության քաղխորհրդի անդամ Արսեն Բաբայանի ֆեյսբուքյան գրառումը
Եկեղեցու նկատմամբ իշխանության մարտավարությունը դառնում է հասկանալի. նրանք (առաջին դեմքի մակարդակում) բարձրաստիճան հոգեւորականի վերաբերյալ անբարոյական տեղեկություն են տարածում եւ պահանջում այդ հոգեւորականից, որ վերջինս հերքի այդ լուրը: Չհերքելու դեպքում սպառնում են այդ անբարոյական տեղեկությանը ճշմարտություն լինելու գնահատական տալ…
Կարծում եմ՝ իշխանությունը (առաջին դեմքի մակարդակում) լավ չի պատկերացնում այդպիսի անբարոյական մարտավարության հետեւանքը: Որովհետեւ այդ դեպքում հնարավոր կդառնա հենց իր ու իշխանության բազմաթիվ անդամների վերաբերյալ առկա բազմաթիվ տեղեկությունները (թալանից մինչեւ քեռու եւ հորաքրոջ նկատմամբ գործողություններ) համարել ճշմարտություն:
Օրինակ՝ մինչեւ հիմա աներձագ Հրաչն ու մի կին պատգամավոր չեն հերքել Ստեփանակերտում իրենց վերաբերյալ առկա ժամանցային տեղեկությունները: Այդպիսի տեղեկությունները հարյուրներով են հրապարակված, որոնց ես երբեք չեմ անդրադարձել: Հիմա էլ անգամ այս ակնարկը չէի անի, եթե չլիներ այն անբարոյական վարքագիծը, որ ցուցաբերվում է սրանց կողմից:
