Զանգվածային լրատվության միջոցներից մեկում վերջերս մի հրապարակում էր տեղ գտել, որում Դատախազության՝ «Հրատապ մեկ անձից գնումների» գործընթացում աճ էին արձանագրել՝ նշելով. «Մասնավորապես, վերջին 6 տարիների ընթացքում Գլխավոր դատախազության կողմից իրականացվող հրատապ մեկ անձից գնումների ցուցանիշը կտրուկ ավելացել է հատկապես 2024 թ․-ին (22.4%)»:
Կայքն այս համեմատությունն արել էր 2024 թվականի ցուցանիշը համադրելով, մասնավորապես, 2022-2021 թվականների 0 ցուցանիշի, 2020 թվականի՝ 9.1%-ի ու 2019 թվականի 3.06%-ի հետ:
Դատախազության գլխավոր քարտուղար Մհեր Ափրիկյանն այսօր, Ազգային ժողովի մշտական հանձնաժողովների համատեղ նիստում, ներկայացնելով Դատախազության՝ 2024 թվականի պետական բյուջեի կատարման մասին տարեկան հաշվետվությունը, անդրադառնալով այս թեմայով հարցադրմանը՝ ընդգծել է, որ այն հիմնականում պայմանավորված է եղել Դատախազության կարիքների համար 2023-2024 թվականներին էլեկտրոնային արդարադատության համար տվյալների պահոցի համակարգի ձեռքբերմամբ:
ՀՀ գլխավոր դատախազություն
Կարդացեք նաև
