Հունիսի 4-ին Եվրոպական միությունը եւ Ամերիկայի Միացյալ Նահանգները ներկայացնող մի շարք պաշտոնյաներ այցելել են Հայաստանի ատոմային էլեկտրակայան (ՀԱԷԿ)։ Այցը կազմակերպվել էր ՀՀ արտաքին գործերի նախարարության եւ ՀԱԷԿ-ի ղեկավարության կողմից՝ միջուկային անվտանգության ոլորտին ԵՄ-ԱՄՆ աջակցությունը ներկայացնելու նպատակով։
Այցելուներին ներկայացվել է ՀԱԷԿ-ում վերջին շրջանում շահագործման հանձնված՝ 3,4 միլիոն ԱՄՆ դոլար արժողությամբ գերժամանակակից վարժասարքը, որը նախատեսված է ապահովելու շահագործման անվտանգության բարձրացումը՝ ԵՄ նախորդ նվիրատվության հիման վրա: 2024 թվականից ի վեր Եվրոպական միությունը Հայաստանին տրամադրել է 17.9 միլիոն եվրո՝ միջուկային անվտանգության եւ ռադիոակտիվ թափոնների կառավարման բարելավմանը օգնելու նպատակով։
Սույն հատկացումը ԵՄ-Հայաստան Համապարփակ եւ ընդլայնված գործընկերության համաձայնագրի (ՀԸԳՀ) շրջանակներում իրականացվող համագործակցության մաս է կազմում: Միաժամանակ սա ներառում է ԵՄ միջուկային անվտանգության չափանիշներին Հայաստանի իրավական եւ կարգավորող շրջանակների մոտարկման աջակցությունը։ Եվրոպական միությունը հաստատակամ է շարունակելու աջակցությունը Հայաստանի երկարաժամկետ էներգետիկ անվտանգությանը եւ անցմանը։
EU NEIGHBOURS east
