«Երբ ասում են, որ Ռուսաստանի եւ Հայաստանի միջեւ վստահության ճգնաժամ է, ես նման զգացողություն չունեմ։ Ինչպես ՌԴ-ն՝ Հայաստանն էլ ցույց տվեց իր շահագրգռվածությունը՝ ընդլայնելու երկկողմ համագործակցությունը»,-ՀՀ վարչապետ Նիկոլ Փաշինյանի հետ հանդիպումից հետո ռուսական լրատվամիջոցներին տված հարցազրույցում ասել է ՌԴ Դաշնային ժողովի Դաշնության խորհրդի նախագահ Վալենտինա Մատվիենկոն։
Նա տեղեկացրել է, որ Նիկոլ Փաշինյանի հետ իր «շատ երկար հանդիպումը» բովանդակալից, կառուցողական ու շատ ընկերական էր։
ՌԴ պաշտոնյան մանրամասներ պատմեց Նիկոլ Փաշինյանի հետ իր զրույցից։ Ըստ այդմ, Նիկոլ Փաշինյանը ողջույններ է փոխանցել Վլադիմիր Պուտինին, ասել է, որ ինքը եւ Պուտինը միշտ ունեցել են ու կունենան կառուցողական բովանդակային հարաբերություններ։
Հիշեցնենք, այսօր Երեւանում ընթանում է հայ-ռուսական միջտարածաշրջանային 10-րդ համաժողովը, որին մասնակցում էր նաեւ ՌԴ Դաշնային խորհրդի նախագահ Վալենտինա Մատվիենկոն։ Մինչ այդ ՌԴ պաշտոնյան մասնակցել էր ՀՀ Ազգային ժողովի եւ ՌԴ Դաշնային ժողովի միջեւ համագործակցության միջխորհրդարանական հանձնաժողովների 39-րդ նիստին։ Վալենտինա Մատվիենկոն Երեւանում է գտնվում պաշտոնական այցով։
Կարդացեք նաև
Պատրաստեց Նելլի ԳՐԻԳՈՐՅԱՆԸ
