«Եկեղեցու դեմ հարձակումները Ադրբեջանի պատվերն է, Ադրբեջանի հետ համակարգված է։ Նիկոլն ընտրել է ամենաստոր տարբերակը՝ մտնել անկողին։ Հոգեբաններն ասում են՝ երբ մարդը մտնում է ուրիշի անկողին, կամ ուզում է այդ անկողնում հայտնվել, կամ սեփականը չունի․ չգիտեմ՝ սա որ դեպքն է»,-իր գործով դատական նիստից հետո լրագրողների հետ զրույցում ասաց ՀՀԿ փոխնախագահ Արմեն Աշոտյանը։
Նա նշեց՝ եկեղեցին այն միակ ինստիտուտն է, որ շարունակում է հայ ժողովրդի ու ՀՀ շահերը ներկայացնել միջազգային հարթակներում․ «Վեհափառը և մյուս սրբազաններն այդ գործողություններն իրականացնում են դրսում, Նիկոլը նաև այս հարվածն է հասցնում»։
Արմեն Աշոտյանը հորդորեց բոլոր այն մարդկանց, որոնք երբևէ գոնե մեկ անգամ սրտաբուխ աղոթք են ունեցել, զավակ պսակել նորածին կնքել եկեղեցում, կանգնեն եկեղեցու կողքին։
Իմպիչմենտի գործընթացի մասին էլ ասաց․ «Իմպիչմենտի գործընթացն ունի բազմաշերտ հնարավորություններ, դրվագներ, որոնք կարող են դառնալ տրիգեր։ Ուրախ էի «Հայաստան» դաշինքի հայտարարության համար։
Կարդացեք նաև
Ուրախ էի, որ ՀՀԿ-ի վերջին հայտարարությունը ազգային միասնության, մեր ընդդիմադիրների որոշակի արձագանքի է արժանացել։ Իսկ Համբարձումյան Դավիթը ապրի։ Հիմա կհարցնեք՝ ինչու Դավիթը և ոչ դու։ Որովհետև Դավիթը հաղթել է ՔՊ-ին ընտրական գործընթացներում։
ՀՀԿ-ն ու «Պատիվ ունեմ» խմբակցությունը ճիշտ որոշում են կայացրել»։
Հարցին՝ ի՞նչը կստիպի ՔՊ-ական պատգամավորներին, որ միանան իմպիչմենտին, Արմեն Աշոտյանը պատասխանեց՝ խիղճը և ժողովուրդը։
Տաթև ՀԱՐՈՒԹՅՈՒՆՅԱՆ
