Փաստաբան Արսեն Բաբայանը գրում է․
«Նիկոլ Փաշինյանը դրժել է իր իսկ կողմից կամավորությամբ ստանձնած վարչապետի երդումը եւ գործել է այդ երդման բոլոր սկզբունքների ու արժեքների դեմ։
Սա փաստ է, եւ եթե Նիկոլ Փաշինյանը փորձի հերքել, անհրաժեշտ ձեւաչափով դա կապացուցեմ՝ նրա հայտարարությունների, քաղաքական որոշումների, պետական շահերին հակասող գործողությունների եւ ժողովրդին պատճառած անչափելի կորուստների վկայակոչմամբ։
Ըստ այսմ, համաձայն Սահմանադրության եւ վարչապետի երդման բառացի տեքստի՝
Կարդացեք նաև
«Հանուն համազգային նպատակների իրականացման և հայրենիքի հզորացման՝ երդվում եմ բարեխղճորեն կատարել ժողովրդի առջև ունեցած պարտավորություններս, պահպանել Հայաստանի Հանրապետության Սահմանադրությունը և օրենքները, նպաստել Հայաստանի Հանրապետության ինքնիշխանության և շահերի պահպանմանը, հավատարիմ մնալ կառավարության անդամի բարձր կոչմանը» –
Նիկոլ Փաշինյանը չէր կարող և չի կարող լինել կառավարության ղեկավար, քանի որ դրժել է պետական բարձրագույն ծառայողի բարեվարքության այդ նվազագույն չափանիշը։
Որպես Հայաստանի Հանրապետության քաղաքացի, որպես մարդ, ով խանդաղատանքով է վերաբերվում մեր պետականության ինստիտուտներին ու արժանապատվությանը, արձանագրում եմ՝
Հայաստանի Հանրապետությունը պետք է ունենա նորընտիր վարչապետ, ում բարեվարքությունը, իրավական գիտակցությունը, սահմանադրական և ազգային հավատարմությունը լիարժեք ստուգված և հաստատված կլինեն։
Հայաստանի քաղաքացիներին կոչ եմ անում համախմբվել՝ իշխանությունը սիրով ու խաղաղ ճանապարհով ժողովրդին վերադարձնելու եւ նոր ղեկավար ընտրելու օրակարգի շուրջ»:
