«Իրենք շոուն շարունակում են, հանրությանը հրամցնում են թեմաներ, որոնց շուրջ կգնան քննարկումներ, իրենք ելույթներ կունենան եւ հանրության ուշադրությունը կշեղեն շատ կարեւոր հիմնահարցերից, որոնք այսօր որպես մարտահրավեր մեր հանրության առաջ կանգնած են»,- խորհրդարանում լրագրողների հետ ճեպազրույցում ասաց «Հայաստան» խմբակցության պատգամավոր Արմենուհի Կյուրեղյանը՝ անդրադառնալով պատգամավորներ Սեյրան Օհանյանի և Արծվիկ Մինասյանի վերաբերյալ քրեական գործ հարուցելուն։
Նշենք,որ Գլխավոր դատախազը դիմել է ԱԺ նախագահ Ալեն Սիմոնյանին՝ միջնորդելով, որ խորհրդարանը թույլ տա քրեական գործ հարուցել ԱԺ «Հայաստան» խմբակցության ղեկավար Սեյրան Օհանյանի և նույն խմբակցության քարտուղար Արծվիկ Մինասյանի նկատմամբ:
Արմենուհի Կյուրեղյանը հավելեց․ «Եկեք հաշվենք՝ քանի նման գործ է հանրությանը ներկայացվել, քանի նման գործեր են տարիներով քննվում եւ քանիսն են դրանցից ավարտուն տեսք ունեցել։ Պարզապես խոսում են»։
Հարցին, թե Սեյրան Օհանյանը դղյակ ունի՞, Կյուրեղյանը պատասխանեց․ «Ես ոչ տեսել եմ, ոչ եղել եմ, ոչ գիտեմ, գնացեք իրենց հարցրեք»։
Կարդացեք նաև
«Բոլորս հիշում ենք Նիկոլ Փաշինյանի հիստերիկ պահվածքը, նաեւ սպառնալիքներ՝ այ դուք, կտեսնեք, կհայտնվեք բանտում։ Եվ, բնականաբար, հրահանգ է իջել, որ պետք է գործ հարուցելու գործ սկսեն։ Ես ապօրինի եմ համարում այն, որ իրենք իրենց շոուն շարունակելու համար ԱԺ նման միջնորդագիր են բերել»,- նշեց նա։
Անդրադառնալով իմպիչմենտի գործընթացին, Արմենուհի Կյուրեղյանը կրկնեց «Հայաստան» խմբակցության դիրքորոշումը, որ պատրաստ են 28 ստորագրությամբ միանալ։ «Երբ նախաձեռնող խումբը կմոտենա մեզ, 28 պակաս ստորագրությունը մենք կտանք»,- ասաց նա։
Ռոզա ՀՈՎՀԱՆՆԻՍՅԱՆ
