«Գեղարդ» հիմնադրամը դիմում-բողոքով է դիմել միջազգային գիտատեղեկատվական շտեմարաններին՝ «Akademik Tarih ve Düşünce Dergisi» (ISSN 2148-2292) ամսագրի էթիկական խախտումների հարցը քննելու համար։
Միջազգային գիտատեղեկատվական մի շարք շտեմարաններում՝ Current Index to Journals in Education (CIJE)-WorldCat, SCİENCE İNDEX RU, ERIH PLUS, The Open Ukrainian Citation Index (OUCI), Index Copernicus, EuroPub, Scientific Indexing Service, HINARI (United Nation’s Database, Korea Open Access Platform for Researchers (KOAR), Harvard University Database, ինդեքսավորվող «Akademik Tarih ve Düşünce Dergisi» (ISSN: 2148-2292) գիտական ամսագրում հրապարակված բազմաթիվ հրապարակումների բովանդակություններ խախտում են գիտական էթիկան։
2024-2025 թվականներին ամսագրում հրապարակված նյութերի վերլուծությունը բացահայտեց ակադեմիական և էթիկական չափորոշիչների բազմաթիվ խախտումներ, որոնք արտահայտում են՝.
- Պատմական փաստերի բացահայտ կեղծիքներ և աղավաղումներ պարունակող նյութերի հրապարակում.
- Ակադեմիական հետազոտությունների քողի տակ այլատյացության և հակահայկական հռետորաբանության տարածում.
- Պատմական իրադարձությունների քաղաքական ենթատեքստով մեկնաբանություններ՝ առանց ակադեմիականորեն ճանաչված աղբյուրներին հղում կատարելու
- Այլ ամսագրերի տվյալների բազաներում ներառված լինելու վերաբերյալ կեղծ տեղեկատվության տրամադրում, որոնցում այն ինդեքսավորված չէ։
Ներկայացնում ենք խնդրահարույց հրապարակումների մի քանի օրինակներ՝ «Արևմտյան Ադրբեջան»-ի քողի տակ բացահայտ տարածքային ոտնձգությունը Հայաստանի Հանրապետության նկատմամբ,» «Ադրբեջանցիների արտաքսումն Արևմտյան Ադրբեջանից և վերադարձի հայեցակարգը», առանց գիտական ապացույցների ենթադրյալ «ադրբեջանցիների ցեղասպանության» մեղադրանքը, իբր թե հայերի կողմից Երևանի Կապույտ մզկիթի քանդումը (վերականգնվել է 1990-ական թվականներին և գործում է մինչ օրս) և այլն։
Կարդացեք նաև
Նման հրապարակումները հակասում են ոչ միայն ակադեմիական էթիկային, այլև՝ ակադեմիական միջազգային չափանիշներին և հրատարակչական էթիկայի կանոնագրքին։
«Գեղարդ» հիմնադրամ
