«Դժոխային իրադարձությունների միջոցով անցնելով՝ մեր երկրի առաջ բացվել են այնպիսի հնարավորություններ, որ, թույլ տվեք ասել, մեր պատմության մեջ մենք այսպիսի շանս՝ ապահովելու մեր պետության հարատեւությունն առաջիկա հարյուրամյակների համար, երբեք չենք ունեցել»,- կառավարության այսօրվա նիստում ասաց Նիկոլ Փաշինյանը։
Նա նշեց՝ ակնհայտ է, որ կան նաեւ սպառնալիքներ, ընդ որում, այդ սպառնալիքները եղել են միշտ, ոչ մի նոր սպառնալիք չկա։
«Այսինքն՝ այն բոլոր սպառնալիքները, որոնք եղել են, դրանք այսօր էլ շարունակում են մնալ։ Տարբերությունն այն է,որ մենք այդ սպառնալիքները կառավարելու տեսական ու գործնական հնարավորություն ենք ստացել։ Երկրորդը, նորությունն այս պատմության մեջ այն է,որ գոյություն ունեցող սպառնալիքներին որպես հակակշիռ բացվել են անհավանական հեռանկարներ մեր երկրի առաջ, բոլոր առումներով՝ թե տնտեսական, թե քաղաքական, թե միջազգային»,- հավելեց նա։
Փաշինյանն ասաց, որ հայաստանյան ընդդիմությունն ու մամուլի մի հատվածն ամեն օր ասում են, որ մենք կործանվում ենք։ «Բայց մարդիկ ինչո՞ւ են բերում այդքան ներդրում անում մեր երկրում, կտանեն այնտեղ, որտեղ չեն կործանվել»,- ասաց Փաշինյանը՝ նկատի ունենալով 𝟱𝟬𝟬 միլիոն դոլար արժողությամբ 𝗔𝗜 տվյալային կենտրոն կառուցելու ծրագիրը։
Կարդացեք նաև
Մանրամասները՝ տեսանյութում
Կառավարության նիստում ԲՏԱ նախարար Մխիթար Հայրապետյանը ներկայացրեց այդ ծրագիրը։ Նա նշեց, որ սա տարածաշրջանի խոշորագույն տեխնոլոգիական նախագիծն է, որը կյանքի է կոչվելու 𝗙𝗶𝗿𝗲𝗯𝗶𝗿𝗱 ընկերության, ՀՀ կառավարության ու 𝗡𝗩𝗜𝗗𝗜𝗔 ընկերության համագործակցությամբ։
AI տվյալային կենտրոնը կդառնա հարթակ նորարարությունների, կրթության, գիտության եւ ձեռներեցության համար։ Այն խթանելու է տեղական ու միջազգային ստարտափների զարգացումը, ապահովելու է գիտության ու տեխնոլոգիայի կապը, Հայաստանը կդարձնի տարածաշրջանային տեխնոհաբ՝ արհեստական բանականության իրական ստեղծման վայր։
Մանրամասները՝ տեսանյութում
Ռոզա ՀՈՎՀԱՆՆԻՍՅԱՆ
