«Սահմանին իրավիճակը համեմատաբար կայուն է: Այս պահին ես որեւէ մտահոգիչ տվյալ չունեմ»,- խորհրդարանում լրագրողներին ասաց ՀՀ պաշտպանության փոխնախարար Արման Սարգսյանը՝ պատասխանելով հարեւան Իրանի վրա այսօր տեղի ունեցած հարձակման եւ դրա՝ մեր երկրի վրա հնարավոր անդրադարձերի մասին հարցերին։
Լրագրողները կոնկրետ հետաքրքրվեցին՝ ՀՀ պաշտպանության նախարարությունը գնահատե՞լ է Սյունիքի վրա հարձակման հնարավորությունը։
«Բնականաբար, տարածաշրջանում յուրաքանչյուր էսկալացիա պետք է անհանգստություն պատճառի բոլորիս։ Նախարարությունը հետեւում է իրադարձություններին»,- ասաց փոխնախարարը։
Իսկ ուղիղ հարցին՝ ինչպե՞ս է Հայաստանը պաշտպանվելու, փոխնախարարը պատասխանեց․ «Հայաստանը պաշտպանվելու է իր հնարավորությունների, կարողությունների, ամբողջ ներուժի չափով, եթե դրա կարիքը լինի։ Սակայն Հայաստանը պետք է ամեն ինչ անի քաղաքական առումով՝ տարածաշրջանում էսկալյացիոն դեպքեր չլինեն»։
Կարդացեք նաև
Նելլի ԳՐԻԳՈՐՅԱՆ
