«Այցի մանրամասները դեռ գաղտնի են պահվում, այդ թվում՝ օրակարգը։ Բայց մի բան ակնհայտ է, որ ՀՀ իշխանությունները հստակ ուղղորդվում են Թուրքիայի կողմից և հետևողականորեն կատարում նրանց պահանջները»,-հարցին՝ ինչպե՞ս կմեկնաբանեք Փաշինյանի՝ Թուրքիա հնարավոր այցը և հանդիպումը Էրդողանի հետ, ՀՅԴ «Սիմոն Վրացյան» կենտրոնում տեղի ունեցած մամուլի ասուլիսի ժամանակ այսպես պատասխանեց ՀՅԴ Հայաստանի Գերագույն մարմնի ներկայացուցիչ Իշխան Սաղաթելյանը։
Ըստ նրա՝ «այս իշխանությունների դենացիոնալիզացիայի ծրագիրը, որ սկսել են հայկական ինքնության դեմ պայքարի, արվում է ուղիղ թշնամի երկրների թելադրանքով, և արդեն բացահայտ է, չեն էլ թաքցնում»․ «Սա բերելու է նոր պայմանավորվածության։ Հավանաբար գնում է նոր հրահանգներ ստանալու։ Էրդողան-Փաշինյան ցանկացած հանդիպումից լավ արդյունքներ սպասել չի կարելի։ Գնում է իր կիրթ գործընկերոջից նոր հրահանգներ ստանալու։ Այս ամենն ուրիշ բացատրություն չունի»։
Կարդացեք նաև
Տաթև ՀԱՐՈՒԹՅՈՒՆՅԱՆ
