Ադրբեջանի պետական լրատվամիջոցները զայրույթով արձագանքել են Թուրքիայում հրապարակված այն հոդվածներին, որոնք մեղադրում են Բաքվին Իսրայելին օգնելու մեջ՝ Իրանի դեմ գործողություններում։ Ադրբեջանը, որը համարվում է Իսրայելի ամենամոտ դաշնակիցներից մեկը, կոչ է արել «եղբայրական Թուրքիայի» իշխանություններին պատժել այդ լրագրողներին։
Թուրքական մամուլում հնչած մեղադրանքները հարուցել են սուր արձագանք Բաքվում։ Պետական մամուլը նման հրապարակումներն անվանել է «դավաճանություն»՝ ընդգծելով, թե «դա նման է հայերի հետ համագործակցությանը»։
Ամերիկացի լրագրող Լինդսի Սնելի հաղորդմամբ՝ սա վկայում է այն լարվածության մասին, որ առկա է Ադրբեջանի և Թուրքիայի մեդիա-շրջանակների միջև՝ հատկապես մերձավորարևելյան տարածաշրջանային հակասությունների ֆոնին։
