Սամվել Կարապետյանին մեղադրանք է ներկայացվել իշխանությունը զավթելու հրապարակային կոչերի համար՝ Քրեական օրենսգրքի 422 հոդվածի 2–րդ մասով. ՔԿ–ի մոտ լրագրողներին հայտնեցին նրա շահերի ներկայացուցիչ փաստաբաններ Արմեն Ֆերոյանը եւ Լիանա Գասպարյանը:
«Սամվել Կարապետյանին ներկայացվել է ապօրինի մեղադրանք, նա չի ընդունում այդ մեղադրանքը»,– ասացին պաշտպանները։
Ավանի եւ Նոր Նորք դատարան կալանքի սանկցիա են ներկայացնում. «Զավեշտալին այն է, որ նշված հոդվածը սահմանում է նաև տուգանք պատժատեսակ, հանդիսանում է միջին ծանրության հանցագործություն»։
«Յուրաքանչյուր անձ կարող է այդ տեսանյութը դիտել և գնահատել՝ դա հանցագործություն է, թե հանցագործություն չէ», – ասացին պաշտպանները:
Կարդացեք նաև
Կարապետյանի աջակիցներն այժմ հավաքված են Քննչական կոմիտեի պետության, սահմանադրական կարգի հիմունքների և հասարակական անվտանգության դեմ ուղղված հանցագործությունների քննության գլխավոր վարչության շենքի դիմաց:
