«Արցախցիների մեջ ղեկավարներ ի հայտ եկան, որոնք ժողովրդին կես-կես են անում։ Ժողովուրդ, արթնացեք։ Արցախցու շահերը պաշտպանելով՝ պաշտպանում եք Հայաստանի շահը։ Եթե հայը վտանգի մեջ է ու ՀՀ կառավարությունն այդ վտանգված հային տեր չի կանգնում, նշանակում է՝ նա հետաքրքրված չէ հայկական պետականության գոյությամբ։ Աշխարհի ամենափոքր սոցիալական հարցը սկսվում է սխալ քաղաքականությունից, լուծվում է ճիշտ քաղաքականությամբ»,-կառավարության մոտ կայացած ցույցի ժամանակ, իր ելույթում հայտարարեց Հադրութից տեղահանված «Հանուն Հադրութի» ՀԿ ղեկավար Լեւոն Հայրյանը։
Հիշեցնենք, այսօր կառավարության շենքի մոտ կրկին ցույցի էին հավաքվել արցախցիները՝ պահանջով՝ վերանայել կառավարության սոցիալական ծրագրերը՝ արցախցիներին տրամադրվող օգնությունները դարձնելով անժամկետ, մինչեւ մարդկանց խնդիրները լուծում ստանան։ Կառավարությունից ոչ ոք դուրս չեկավ ցուցարարների հետ հանդիպման։
«Արցախը դեռեւս լրիվ կորած չէ, եթե կորցնենք՝ ՀՀ պետությունն էլ չի լինելու, միաբանվեք «հայ» հասկացության շուրջ եւ պայքարեք»,-հորդորեց Լեւոն Հայրիյանը։
Մանրամասները՝ տեսանյութում
Կարդացեք նաև
Ամբողջական տեսանյութը՝ այստեղ
Նելլի ԳՐԻԳՈՐՅԱՆ
