Հայաստանից ռուսական ռազմաբազան դուրս բերելու հարցը չի բարձրացվել. ճեպազրույցի ժամանակ ասել է ՌԴ ԱԳՆ ներկայացուցիչ Մարիա Զախարովան:
«Այդ հարցը գործնական իմաստով երբեք չի բարձրացվել, երևի թե համայնքներում կամ հանրության, փորձագիտական շրջանակներում քննարկվել է, սա այլ հարց է, բայց Երևանի հետ շփումներում այդ թեման չի արծարծվել»,- ասել է ՌԴ ԱԳՆ ներկայացուցիչը։
Զախարովայի խոսքով՝ Ռուսաստանը Հայաստանի հետ փոխգործակցության շատ լայն շրջանակ ունի, բայց, իհարկե, ինչպես ցանկացած երկրում, կան նաև խնդրահարույց հարցեր։ Բայց կանոնավոր երկխոսություն է ընթանում բոլոր գերատեսչությունների միջոցով, որոնք ինչ-որ կերպ առնչվում են բազայի թեմային։
