«Առավոտի» եւ «Շտիգեն» ընկերությունների խմբի «Ազգային բուրժուազիա» նախագծի հերթական թողարկման հյուրն է «Կրիսպ» IT ընկերության համահիմնադիր Արտավազդ Մինասյանը: Նրա համար միանգամայն ընդունելի են «ազգային բիզնես» եւ «ազգային բուրժուազիա» հասկացությունները, քանի որ ցանկացած ազգ ներկայացնող գործարար, կարեւորելով շահույթ ստանալը, պետք է մտածի ավելի մեծ՝ ազգային առաքելության մասին:
Անդրադառնալով Հայաստանում կառուցվելիք 𝟱𝟬𝟬 միլիոն դոլար արժողությամբ 𝗔𝗜 տվյալային կենտրոնին, Արտավազդ Մինասյանը նշել է որ այդ նախագծին մասնակցում են երկու սփյուռքահայ եւ մեկ հայաստանցի խոշոր գործարարներ: Դա կլինի արտասահմանյան կապիտալի եւ հայաստանյան գիտական ու ինժեներական մտքի համագործակցության լավագույն օրինակներից մեկը:
Մի քանի ոլորտներից, որտեղ հայկական բիզնեսը կարող է ներդրումներ կատարել, հաղորդման հյուրն առանձնացնում է կրթությունը, որը տնտեսության եւ, մասնավորապես, սթարթափերի հիմքն է: Այդ առումով Արտավազդ Մինասյանը հիշում է Իսրայելի օրինակը, որտեղ բուռն զարգացման խթանիչ ուժը կրթությունն էր:
Մանրամասները տեսանյութում:
Արամ Աբրահամյան
