Կարսում ուշադրություն են գրավում խաչերով գերեզմանաքարերը, որոնք, սակայն օրեցօր ավիրվում են։ Այդ մասին, akunq.net-ի փոխանցմամբ, հաղորդում են թուրքական լրատվամիջոցները։
Աղբյուրի համաձայն՝ Կարս քաղաքի Ուչլեր թաղամասում տարբեր ձևերով խաչեր կրող այդ գերեզմանաքարերի մի մասը կողոպտվել է գանձագողերի կողմից, այնինչ տեղի բնակիչներն ակնկալում են, որ գերեզմանների գտնվելու շրջանը պահպանության տակ կառնվի, և խաչեր կրող գերեզմանները, վերականգնվելու դեպքում, կնպաստեն զբոսաշրջության զարգացմանը։
Ըստ տվյալ վայրերի բնակիչների՝ Ուչլեր թաղամասում գտնվող գերեզմաններն առնվազն 100 տարեկան են։ Նրանք նաև ընդգծում են․ «Այս վայրը նախկինում բնակելի տարածք է եղել։ Ամենայն հավանականությամբ մինչ այդ էլ է որպես բնակավայր օգտագործվել, որովհետև գերեզմանների գտնվելու տեղում եկեղեցի կա։ Մենք պահանջում ենք, որ այս վայրերը պահպանության տակ վերցվեն»։
Թարգմանեց Մելինե Անումյանը:
