Sputnik Արմենիա. ԵՄ-ի հետ Հայաստանի մերձեցումը Հայաստանի և Ռուսաստանի միջև առևտրի կանխատեսվող անկման հիմնական պատճառներից մեկն է. Սանկտ Պետերբուրգի միջազգային տնտեսական ֆորումի ժամանակ ասել է ՌԴ փոխվարչապետ Ալեքսեյ Օվերչուկը:
«Մենք հասկանում ենք, թե ինչ է կատարվում։ Ավելի շուտ, մենք հիմա թվերի անկում ենք տեսնում։ Տարեվերջին՝ 6 միլիարդ դոլար… Մենք սա չենք ուզում, քանի որ Հայաստանի օրինակը ԵԱՏՄ-ի «ցուցափեղկն է»։
Նա նաև հետաքրքրվել է, թե ԵՄ անդամակցության դեպքում Հայաստանը կփակի՞ արդյոք օդը ռուսական ավիաընկերությունների համար Բրյուսելի խնդրանքով։ Սա չափազանց կարևոր հարց է, որը չի կարող չանհանգստացնել ՌԴ-ին։
Ռուսական բիզնեսը Հայաստանում իրեն հարմարավետ է զգում, և Երևանի եվրաինտեգրման օրակարգը չի ազդում ռուսաստանցիների վրա. Օվերչուկի մտահոգություններին պատասխանել է Մհեր Գրիգորյանը:
Սանկտ Պետերբուրգի միջազգային տնտեսական ֆորումի ժամանակ ՀՀ փոխվարչապետն ասել է, որ «գոնե անհատների մակարդակով» դեռևս խնդիրներ չկան։ Նա սա ընկալում է որպես ցուցիչ, որին պետք է անընդհատ անդրադառնալ։
