Իրանագետ Արտյոմ Տոնոյանի «Caspian Frontiers» տելեգրամյան ալիքից տեղեկանում ենք.
Մի քանի մեջբերում Հարավային Կովկասի հարցերով իրանցի փորձագետ, քաղաքագիտության դոկտոր Էհսան Մովահեդիանի՝ այսօր կատարած մի գրառումից:
🔷 Ալիևի վարչախումբը, որն ավելի քան երկու տասնամյակ վարում է Իրանի դեմ թշնամական քաղաքականություն, այս օրերին շարունակում է իր գործողությունները՝ հենվելով Թեհրանի լռության վրա։ Այսօր էլ Ալիևի «սիոնիստական ընտանիքը» համարձակությամբ ցուցադրում է սիոնիստական ռեժիմի հետ իր կործանարար համագործակցությունը և պատրաստվում է Իրանի դեմ նոր հարվածների։
🔷 Միևնույն ժամանակ, չնայած սերտ համագործակցությանը, Ադրբեջանը մի շարք պատճառներով սիոնիստական ռեժիմի ամենախոցելի կետն է տարածաշրջանում։
Կարդացեք նաև
🔷 Միաժամանակ, Բաքվի թշնամական քայլերը, սպառնալիքների հետ նաև նոր հնարավորություններ են ստեղծում [Իրանի համար]։
Իրանի կողմից իր օրինական իրավունքների իրացումը՝ նախապես հայտարարված սկզբունքի հիման վրա («որտեղից որ հարձակումը լինի՝ այնտեղ էլ կհասցվի հակահարված»), իրավական հիմք է՝ Ադրբեջանի տարածքից իրականացվող հարձակումներին պատասխանելու համար։
🔷 Իրանի ռազմական հարվածը սիոնիստական ռեժիմի կողմից օգտագործվող ադրբեջանական բազաներին՝ մասնավորապես Սիթալչայի, Բաքվի, Զանգելանի և Լաչինի շրջաններում, կսահմանափակի այդ ռեժիմի հնարավորությունները և կնեղացնի Իրանի դեմ իրականացվող գործողությունների աշխարհագրությունը և խորությունը։
🔷 Ընդ որում, հաշվի առնելով այն, որ Ադրբեջանը մատակարարում է սիոնիստական ռեժիմի վառելիքի 60%-ը և Ուկրաինայի պատերազմից հետո նաև եվրոպական գազի զգալի մասը, Ադրբեջանի էներգետիկ ենթակառուցվածքների վնասումը, ի հեճուկս որոշ համեստ կանխատեսումների, կարող է ունենալ նույնիսկ ավելի խորքային հետևանքներ, քան Պարսից ծոցում պլանավորվող գործողությունները։
