«Իմ քայլը» դաշինքից ՀՀ ԱԺ 7-րդ գումարման պատգամավոր, պատմաբան, պատմական գիտությունների թեկնածու, ԵԽԽՎ-ում Հայաստանի պատվիրակության նախկին անդամ, ադրբեջանագետ Տաթևիկ Հայրապետյանի տելեգրամյան գրառումը
Տևական դադարից հետո ադրբեջանական քարոզչադաշտը սկսում է ակտիվացնել հնարավոր պատերազմի մասին հռետորաբանությունը։
«․․․մենք նկատում ենք ռևանշիստական տրամադրությունների ուժեղացում Հայաստանում, ինչը սպառնալիք է ոչ միայն Ադրբեջանի, այլև ամբողջ տարածաշրջանի համար։ Չի կարելի բացառել, որ այս միտման հետագա զարգացումը կարող է առաջացնել համապատասխան արձագանք Բաքվից, ինչը կարող է հանգեցնել նոր պատերազմի․․․», – գրում է Ադրբեջանի քարոզչական աղբյուրներից մեկը։
Հիշեցնեմ, որ տարեսկզբից Ադրբեջանը ձեռնարկել է 28 անհատական ու համատեղ զորավարժություն ու վարժանք։ Բայց հայկական կողմը դա երբեք իր համար սպառնալիք չի գնահատում։
Կարդացեք նաև
Նաև ի գիտություն ասեմ, որ սովորաբար քարոզչադաշտը սկսում է նման լուրեր տարածել՝ տրամադրություններ շոշափելու համար, հետո դրան միանում են արդեն պաշտոնական աղբյուրները, ավելի ստույգ՝ Ադրբեջանի ՊՆ-ն սկսում է ապատեղեկատվություն տարածել։ Սա շատ հայտնի ձեռագիր է։
