2024թ. հունիսի 21-ին Աֆղանստանի Իսլամական Հանրապետության քաղաքացու վերաբերյալ քրեական գործը մեղադրական եզրակացությամբ ուղարկվել էր դատարան: Մի քանի անգամ նրա նկատմամբ ընտրված խափանման միջոցը երկարացվել էր երեք ամսով, իսկ պաշտպանի հատուկ վերանայման բողոքի քննության համար ընտրվել էր դատական վարույթի իրականացման գրավոր ընթացակարգ: Մեղադրյալն ունի փախստականի կարգավիճակ:
«Առավոտի» տեղեկություններով՝ անձը ձեռք էր բերել իրավական կեղծ փաստաթղթեր` պետական մարմնի կողմից, անձը հաստատող, այլ պետության անձնագիր, փորձել Հայաստանով անցնել Թուրքիա: Ի դեպ, փաստաթղթերի կեղծ լինելը հայտնաբերվել է Թուրքիայում: Նկատենք, որ անձը ՀՀ-ում ստացել է փախստականի կարգավիճակ, իսկ վերաքննիչ քրեական դատարանը կալանքը փոխարինել է վարչական հսկողությամբ եւ բացակայելու արգելքով:
Գործը գտնվում է ՀՀ վճռաբեկ դատարանում:
Ռուզան ՄԻՆԱՍՅԱՆ
«Առավոտ» օրաթերթ
24.06.2025
