Մոսկվան կապի մեջ է Երևանի հետ, այդ թվում՝ ձերբակալված գործարար Սամվել Կարապետյանի հետ կապված հարցերի շուրջ, ինչպես հայտնում է «ՌԻԱ Նովոստի»-ն, ասել է ՌԴ նախագահի մամուլի քարտուղար Դմիտրի Պեսկովը և շեշտել, որ Հայաստանը ՌԴ-ի կարևոր դաշնակիցն է, նրա հետ հարաբերությունները բազմակողմանի են։
«Այո, իհարկե։ Մենք կապի մեջ ենք մեր գործընկերների հետ Հայաստանում, Երևանում… Եվ, իհարկե, քանի որ Կարապետյանը նաև Ռուսաստանի Դաշնության քաղաքացի է, համապատասխան կապերը իրականացվում են», – լրագրողներին ասել է Պեսկովը՝ պատասխանելով հարցին, թե արդյոք Մոսկվան կապի մեջ է Երևանի հետ Կարապետյանի գործով։
Գործարար Սամվել Կարապետյանին մեղադրանք է առաջադրվել և նրան ձերբակալել են Հայաստանում, այն բանից հետո, երբ նա հայտարարել է Հայ Առաքելական Եկեղեցուն իր աջակցության մասին՝ իշխանությունների հարձակումների ֆոնին։ Գործարարը չի ընդունել մեղքը։ Եկեղեցուն աջակցելու նրա դիրքորոշումը զայրացրել է վարչապետ Նիկոլ Փաշինյանին, որը սոցիալական ցանցերում մի քանի գրառումներ է արել՝ վիրավորելով հոգևորականներին։
Կարդացեք նաև
