«Դավիթ Գալստյանը Արցախի ԱԺ պատգամավոր է եւ Հայաստանում հայտնվելու օրից սկսած խոսում է Արցախի վերադարձի եւ արցախահայության իրավունքների պաշտպանության մասին»,- ՔԿ-ի մոտ լրագրողների հետ զրույցում ասաց ԱՀ «Արդարություն» կուսակցության ղեկավար Հակոբ Հակոբյանը։
Հիշեցնենք, որ այսօր սկսված խուզարկություններից հետո ձերբակալվել է նաեւ Արցախի հանրապետության խորհրդարանի պատգամավոր Դավիթ Գալստյանը։
Հակոբ Հակոբյանի գնահատմամբ՝ կատարվողը իշխանության վախերի ցուցադրությունն է, բայց այսպիսով իրենք ոչնչի չեն հասնելու․ մարդիկ հասկացել են, որ լռել չի կարելի։
Մանրամասները՝ տեսանյութում
Կարդացեք նաև
Ձերբակալվել է նաեւ «Սրբազան պայքարի» առաջնորդ Բագրատ սրբազանը՝ հեղաշրջման փորձի համար։
ՔԿ-ն նաեւ ձայնագրություններ է տարածել ենթադրյալ հեղաշրջման փորձի մասին, որտեղ խոսվում է «բջոտ տղերքի» ներգրավվելու, մի քանի հոգու «գլուխն ուտելու», «փուռը տալու» մասին։
ՔԿ-ի մոտ են նաեւ «Սրբազան պայքարի» տարբեր աջակիցներ։ Լրագրողների հետ զրույցներում մեկնաբանելով ձայնագրությունում հնչող մտքերը, նրանք հավաստիացրեցին, որ իրենց ներկայությամբ բռնությունների, հեղաշրջման փորձերի մասին զրույցներ չեն եղել։
Մանրամասները՝ տեսանյութում
Պայքարի մասնակիցներից սյունեցի Վրեժ Գասպարյանն էլ ասաց՝ ինչ որ կատարվում է ապօրինի է։
Մանրամասները՝ տեսանյութում
Իրավապահները ՔԿ բերեցին նաեւ գնդապետ Միհրան Մախսուդյանին։
«Ժողովուրդ դուխով եղեք, չվախենաք։ Պայքարը շարունակելու ենք»,- հայտարարեց նա՝ ասելով, որ չգիտի թե իրեն ի՞նչ հիմքով են կալանավորել եւ իր տան խուզարկության արդյունքում էլ ոչինչ չի հայտնաբերվել։
Մանրամասները՝ տեսանյութում
Նելլի ԳՐԻԳՈՐՅԱՆ
