«Երբ Նիկոլ Փաշինյանը գալիս էր Խորենացի փողոց, ելույթներ էր ունենում, հարցազրույցներ էր տալիս, ասում էր՝ «Սասնա Ծռերը» արժանապատվության համար զենքը վերցրած մարդիկ են, այդ մարդիկ ահաբեկիչներ չեն, ապստամբներ են, մեր բոլորի իրավունքների համար են պայքարում, մինչեւ որ Պավլիկ Մանուկյանն ասաց՝ սրան հավաքեք տարեք գցեք զիբիլի վեդրոն, սա ով է…»,- Բեւեռի քննարկման ժամանակ հիշեցրեց իրավապաշտպան Նինա Կարապետյանցը՝ զուգահեռներ տանելով ՊՊԾ գունդը գրավելու ու դրան հետեւած գործողությունների ու այսօրվա, այսպես կոչված, «իշխանազավթման պլանի» համար մարդկանց կալանավորելու միջեւ:
«Այսօր Հ1-ով Ալեն Սիմոնյանին էի լսում, Պետրոս Ղազարյանն ասում է՝ մենք բոլորս այն ժամանակ դատապարտեցինք ահաբեկչական գործողությունը, Ալենն ասում է՝ այո, մենք բոլորս դատապարտեցինք…Տղա ջան, մի հատ միացրու, նայի, դու որտեղ էիր կանգնած, Նիկոլդ ինչ էր ասում, ու դու ինչի համար էիր ծափ տալիս այն ժամանակ, բաց արա ու նայի: Սրանք ամեն ինչն արժեզրկել են, ախր տղամարդու խոսքը բացառիկ արժեք ունի, ո՞վ եք դուք հիմա… Այսինքն, երբ դու իշխանության չես, դա ապստամբություն է, իսկ երբ հակառակ կողմից ես, դա ահաբեկչություն է…»,-ասաց Նինա Կարապետյանցը:
Ի դեպ, 2016թ սեպտեմբերի 19-ին «Քաղաքացիական պայմանագիր» կուսակցության վարչության անդամ, ԱԺ Նիկոլ Փաշինյանը Ազատության հրապարակում ելույթ ունենալով ասում էր նաեւ, թե «Սասնա ծռեր» խումբը իր հուսահատ եւ վիճելի քայլով ազդարարում է Հայաստանում հաստատված վստահության ճգնաժամի ծայրահեղ բնույթը:
Կարդացեք նաև
Գոհար ՀԱԿՈԲՅԱՆ
Լուսանկարում՝ ընդդիմադիր պատգամավոր Նիկոլ Փաշինյանը բանակցում է ոստիկանության հետ, որը հետ է մղել ցուցարարներին՝ ՊՊԾ գնդի զավթած շենքի տարածքից։ 20.07.2016թ
