ԱԱԾ-ն բիրտ ուժի կիրառմամբ փորձեց տանել Շիրակի թեմի առաջնորդ Միքայել արքեպիսկոպոս Աջապահյանին: Սակայն նրանց չհաջողվեց, ժողովուրդը եւ հոգեւորականները թույլ չտվեցին, որ բերման ենթարկեն Միքայել սրբազանին, նա նորից անցավ դեպի վեհարան: Այժմ նա շենքի ներսում է:
Այնուհետեւ իրավիճակը կրկին ծայրահեղ լարվեց, քաղաքացիները, որ սկզբում աղոթք էին հնչեցնում, հետո սկսեցին վանկարկել «ամոթ»:
Իրավապահները բիրտ ուժ են կիրառում հոգեւորականների եւ լրագրողների հանդեպ:
Կարդացեք նաև
Մարդիկ միմյանց կոչ են անում սադրանքների չտրվել:
Ոչ միայն դիմակավորված ԱԱԾ-ականներ կան Վեհարանի մոտ, այլ կարմիր բերետավորներ, ոստիկանության հատուկ զորքեր:
«Ոչ մի պագոնավորի թուրքը չի փրկելու»,-բացականչում էր մի տիկին:
Մարդիկ կոչ էին անում ուժայիններին չկատարել Նիկոլ Փաշինյանի անօրինական հրահանգները:
Ընդդիմադիր քաղաքական գործիչները կոչ են անում բոլորին հավաքվել Մայր աթոռում. «Մայր աթոռը բոլորիդ կարիքն ունի»:
Գոհար ՀԱԿՈԲՅԱՆ
