«ԳԱԼԱ» հեռուստաընկերության հիմնադիր Վահան Խաչատրյանի հայտարարությունը
Խորապես մտահոգված եմ և դատապարտում եմ ՀԱԵ Շիրակի թեմի առաջնորդ Միքայել արքեպիսկոպոս Աջապահյանի դեմ ձեռնարկված կոշտ և ամոթալի ռեպրեսիվ միջամտությունները։
Հայտնում եմ նրան իմ լիակատար և անվերապահ աջակցությունը։
Սա ոչ միայն անձի իրավունքների կոպիտ խախտում է, այլև վտանգավոր նախադեպ. հոգևոր առաջնորդին լռեցնելու փորձերն ազդակ են՝ ուղղված հասարակության բոլոր անդամներին։ Ամեն անգամ լռելը հավասար է մեղսակցության։
Պարտավոր ենք կարմիր գիծ դնել այնտեղ, որտեղ սկսվում է ոտնձգությունը մեր արժանապատվության և ազատության դեմ։
Կարդացեք նաև
Կոչ եմ անում իշխանություններին դադարեցնել այս վտանգավոր խաղը՝ հրաժարվելով լռեցնելուն ուղղված, վախի մթնոլորտի տարածման և ճնշումների ապարդյուն փորձերից։
Վահան ԽԱՉԱՏՐՅԱՆ
«ԳԱԼԱ» հեռուստաընկերության հիմնադիր
