Հաղորդագրություններին ծանոթանալով հասկացել եմ, որ խոսքը ենթադրյալ միջին ծանրության հանցանքի մասին է. Մայր Աթոռի բակում լրագրողների հետ զրույցում ասաց փաստաբան Արամ Վարդեւանյանը՝ անդրադառնալով Շիրակի թեմի առաջնորդ Միքայել արքեպիսկոպոս Աջապահյանին առաջադրված մեղադրանքին։
«Պատկերացրեք, միջին ծանրության հանցանքի դեպքերով նույնիսկ մեկ ոստիկան չի գալիս բերման ենթարկելու որեւէ անձի։ Տվյալ դեպքում ականատես եղանք նրան, որ հարյուրավոր, եթե ոչ հազարավոր իրավապահներ այստեղ են, որ հարկադրանքի միջոց կիրառեն»,-ասաց նա՝ հավելելով, որ ենթադրյալ հանցանքը խոսքի ազատության մասին է։
«Լինում է ցնցող, սուր խոսք, բայց Եվրոպական դատարանի նախադեպային ողջ իրավունքը մեզ հուշում է, որ դա թույլատրելի է։ Այսինքն, այստեղ մի ընտրություն կա, եթե ընտրում ես ժողովրդավարական ճանապարհը, ապա խոսքի արժեքն ամենակարեւոր արժենք է, եթե ընտրում ես բռնապետության ճանապարհը, ապա եթե խոսքի ազատությունն իրականացնում ես սուր ձեւով, ապա պետք է ականատես լինենք հազարավոր իրավապահների, այն էլ՝ Վեհարանում, այն էլ, երբ տվյալ դեպքում խոսում ենք Սրբազան հոր մասին»,-ասաց նա։
Կատարվողը նա աբսուրդ է համարում։
Կարդացեք նաև
Մանրամասները՝ տեսանյութում
Նելլի ԳՐԻԳՈՐՅԱՆ
