Ռուսաստանի հայերի միության հայտարարությունը
Ռուսաստանի երեք միլիոնանոց հայ համայնքը ներկայացնող ՀԱՀ խորհրդի անդամները Հայ առաքելական եկեղեցու նկատմամբ ՀՀ իշխանությունների կողմից իրականացվող հալածանքներն ամոթալի են համարում:
Մեր ժողովրդի պատմության մեջ երբեք նման ամոթ չի եղել։
Եկեղեցու, բիզնեսի և սփյուռքի դեմ իր սադրիչ գործողություններով Փաշինյանը փորձում է ոչնչացնել այն ամենը, ինչի վրա հիմնված է մարդկային բնույթը։ Սա արվում է, որպեսզի հայ ժողովրդին՝ իր դարավոր հոգևոր և բարոյական արժեքներով, հպարտությամբ և պատվով ներկայացնող ոչ մի ուժ չհասնի 2026 թվականի ընտրություններին։
Կարդացեք նաև
Հայաստանի կառավարությանը և իրավապահ մարմիններին կոչ ենք անում պահպանել երկրի Սահմանադրությունը և չգերազանցել իրենց լիազորությունները։
Հայերը որպես ժողովուրդ գոյատևել են և աշխարհին ներկայացել որպես բարձր մարդկային ներուժ ունեցող ազգ՝ մեծավ մասամբ շնորհիվ մեր եկեղեցու և հոգևորականության, որոնք ամենադժվար պատմական ժամանակներում փոխարինել են պետությանը։
Այսօր եկել է ժամանակը, որ հայ ժողովուրդն ուս-ուսի պաշտպանի քրիստոնեական Հայ առաքելական հնագույն եկեղեցին, որի հետևորդներն էին մեր հայրերը, պապերը և նախապապերը։ Որի հետևորդ մենք ենք և կլինեն նաև մեր երեխաները՝ անկախ նրանից, թե որտեղ ենք ապրում։
Ռուսաստանի հայերի միություն
