«Ո՞րն է այստեղ գլխավոր քաղաքական մոտիվացիան, նպատակը։ Դա իշխանության պահպանումն է։ Մեկ օր ավել, երկու օր ավել, բայց պահպանել քաղաքական իշխանություն»։
Դատարանի, որտեղ քննվում է Միքայել արքեպիսկոպոս Աջապահյանին կալանավորելու միջնորդությունը, առջեւ լրագրողների հետ զրույցում ասաց ՀՀ մարդու իրավունքների նախկին պաշտպան, «Թաթոյան» հիմնադրամի տնօրեն Արման Թաթոյանը։
Թաթոյանն ընդգծեց, որ իշխանության ներկայացուցիչների ամենօրյա գրառումներում դժվար է գտնել մի այնպիսի գրառում, որում առկա չլինեն «վիրավորանք, ատելություն, հրահրում, սեռական հայհոյանքներ»։
Նախկին ՄԻՊ-ի համոզմամբ՝ նման գրառումները «ոչ միայն ոչ-հարիր են պետական պաշտոնյաներին, սրանք Սահմանադրությամբ եւ օրենքներով արգելված գործողություններ են»։
Կարդացեք նաև
Ըստ Թաթոյանի՝ իշխանությունը ոչնչացնում է իրավական, զսպիչ ինստիտուտները, ինչն էլ իր հերթին կազմաքանդում է պետական հիմքերը։ «Մենք այսօր ունենք կուսակցապետություն եւ անձիշխանություն», – ասաց Արման Թաթոյանը։
Առավել մանրամասն՝ տեսանյութում
Արսեն ԱՅՎԱԶՅԱՆ
