Իրանագետ Արտյոմ Տոնոյանի «Caspian Frontiers» տելեգրամյան ալիքից տեղեկանում ենք.
Ադրբեջանի AzTv պետական հեռուստաընկերության եթերում այսօր տարվել է այնպիսի սուր հակառուսական քարոզչություն, որի նախադեպը դժվար է գտնել գոնե վերջին 20 տարիների ընթացքում։
Փոքր այս տեսահոլովակում հնչող թեզերը՝
-ՌԴ-ում էթնիկ հողի վրա տեղի ունեցող իրադարձություններն ունեն համակարգային բնույթ և դրանց հետևում կանգնած է անմիջականորեն հենց նախագահ Պուտինը։
Կարդացեք նաև
-Այսօր այլևս չի թաքցվում ադրբեջանցիների, ուզբեկների, ղրղզների, թուրքմենների և մյուս ժողովուրդների ներկայացուցիչների նկատմամբ իրականացվող խտրական, շովինիստական և իսլամահալած քաղաքականությունը։
-Այս ամենից պետք չէ զարմանալ՝ աչքի առաջ ունենալով Ուկրաինայում ՌԴ արածները և Բուչայում իրականացրած ցեղասպանությունը։
-Արյունակից ուկրաինացիների հանդեպ արված դաժանությունները տեսնելով՝ բացարձակ չպետք է զարմանալ մուսուլմանների նկատմամբ իրականացվող գործողություններից։
-Այս քաղաքականությունը, մասնավորապես իսլամատյացությունը, նոր երևույթ չէ ՌԴ-ում և տասնամյակներ շարունակ հետևողականորեն տարված գիծ է, որի ամենավառ օրինակը Չեչնիան է։
-Չեչնիայի սցենարն այսօր կիրառվում է մյուս ժողովուրդների նկատմամբ։
-Այս օրերին ՌԴ իրավապահ համակարգի և ոստիկանության արածները պետք գնահատվեն ոչ թե որպես հանցագործություններ, այլ որպես մարդկության դեմ իրականացված ոճրագործություն։
-Ադրբեջանցիների հանդեպ Եկատերինբուրգում իրականացվող ոճրագործություններն իրենց դաժանությամբ և ծավալներով արդեն իսկ գերազանցում են ստալինյան ռեպրեսիաների շրջանում արվածներին։
-Ստալինյան տարիներին գոնե կային աքսորավայրեր։ Հիմա դա էլ չկա։
-Եկատերինբուրգում ՌԴ ոստիկանական ուժերն ադրբեջանցիներին պարզապես հանում են սեփական տներից, բնակարաններից և փողոցներում զանգվածաբար գնդակահարում։
-Սա արվում է այն Ռուսաստանի կողմից, որը իրականացրել է Հունվարի 20-ը, հովանավորել Խոջալուի ցեղասպանությունը, ադրբեջանական հողերի բռնազավթումը և 30 տարի դրանք բռնազավթման տակ պահելը։
