-Գլխին ինչ փչում է՝ առավոտը գրում է, իրավապահներն էլ խելոք կատարում են,- այսպես է ԱԺ «Հայաստան» խմբակցության պատգամավոր Գեղամ Մանուկյանը մեկնաբանում «Տաշիր» ընկերության գլխավոր գրասենյակում այսօր իրավապահների սկսած գործողությունները:
Ըստ պատգամավորի՝ քննչական կոմիտեի ծառայողներն են գրասենյակում գործողություններ իրականացնում, իսկ թե ինչու են հենց այսօր որոշել գործողություններ իրականացնել, պատգամավորը խորհուրդ տվեց հետեւել Փաշինյանին. «Հայաստանում քրեաիրավական, կրոնական, արտաքին քաղաքական բոլոր հարցերի համար խորհուրդ կտամ մեկ աղբյուրից օգտվել՝ Նիկոլ Փաշինյանի facebook-ի էջից»:
Գեղամ Մանուկյանը մեկնաբանեց նաեւ ՀԷՑ-ի վերաբերյալ Նիկոլ Փաշինյանի այսօրվա գրառումը, թե «ՀԷՑ-ի այն աշխատողները, ովքեր իրենց գործը թողած զբաղված են քաղաքական խարդավանքներով, հուլիսին կազատվեն աշխատանքից։ Նրանք, ովքեր ՀԷՑ աշխատակիցներին պարտադրում են հավաքների մասնակցել, նաեւ կդատվեն։ ՀԷՑ-ի այն աշխատողները, ովքեր դիմադրում են առաջին երկու խմբերին եւ հավատարիմ են մնում իրենց աշխատանքային պարտականությունների կատարմանը, որեւէ խնդիր չեն ունենա»:
Կարդացեք նաև
«Ինքն արդեն ՀԷՑ-ի կառավարիչ նշանակել է, գործերից ազատում է, գործերին նշանակում է, առաջիկայում էլ, եթե օրենքն ընդունվի, սպասեք, որ ՔՊ-ի բազմաթիվ պաշտոնյաներ ու պաշտոնյաների կանայք տեղափոխվեն ՀԷՑ»,- ասաց պատգամավորը:
Արփինե ՍԻՄՈՆՅԱՆ
