«Քաղաքացիական պայմանագիր» կուսակցություն հրավիրած արտահերթ նիստի ժամանակ, որտեղ ներկայացվեց «Բռնության ճանապարհով իշխանությանը տիրանալու անթույլատրելիության և ժողովրդավարության պաշտպանության մասին» իշխող ուժի շրջանառության մեջ դրած նախագիծը, զեկուցող Հայկ Կոնջորյանը խստորեն դատապարտեց խորհրդարանական ընդդիմությանը՝ նրանց մեղադրելով իր ձևակերպմամբ՝ ահաբեկչությանն օժանդակելու մեջ։
Պատասխանելով պատգամավորներից մեկի՝ Թագուհի Ղազարյանի այն հարցին, թե արդյոք իրադարձությունները տեսնո՞ւմ է ՀՀ-ի նկատմամբ կանխատեսվող հիբրիդային գրոհի լույսի ներքո, պատասխանեց․ «Ես համոզված եմ, որ հիբրիդային հարձակման տակ Հայաստանը գտնվում է առնվազն հինգ տարի, հատկապես 2018 թվականից հետո, բայց հատկապես 2020 թվականից հետո ՀՀ-ն գտնվում է մասշտաբային հիբրիդային հարձակման տակ, և ՀՀ ժողովուրդն է գտնվում մասշտաբային հիբրիդային հարձակման տակ։
Տեսեք՝ էն ուժերը, որոնք որ հիբրիդային հարձակումն իրականացնում են, իրենք տեսնում են, որ ապօրինի ճանապարհով չեն կարողանում տիրանալ քաղաքական իշխանությանը, և նրանք ուզում են հիբրիդային՝ ապօրինի ճանապարհով տիրանալ ժողովրդի գիտակցությանը։
Կարդացեք նաև
Նրանք ամեն կերպ փորձում են հանրության մեջ մտցնել ապատիա, անհուսություն, ես մի քանի անգամ առիթ եմ ունեցել ասելու, որ հենց ընդդիմությունը ներկայանում է որպես դժբախտության վաճառական և ամեն բան անում է, որ ՀՀ-ում մարդը սեփական ապագայի հետ որևէ հույս չկապի։ Ու դրա համար 2021 թվականին մեր կարգախոսն էր «Ապագա կա», որովհետև այդ հիբրիդային պատերազմն էր, որ ՀՀ քաղաքացին Հայաստանի հետ կապված ապագա չունենար»։
