«Մեծ ճանապարհի սկիզբ է․ ինչ-որ ձև պետք է անարդարությանը հավասարակշռել, ու մեր ճանապարհը դրա մի քայլն է»,- ի պաշտպանություն Սամվել Կարապետյանի երթի ավարտին ԱԱԾ շենքի դիմաց հայտարարեց ՀԷՑ սեփականատեր, մոտ երեք շաբաթ կալանքի տակ գտնվող Սամվել Կարապետյանի եղբոր որդին՝ ՀԷՑ-ի տնօրենների խորհրդի նախագահ Նարեկ Կարապետյանը։
Նա հայտնեց, որ հետագա քայլերի մասին հանդես կգան հայտարարություններով, ցուցումներով, որոնց մասին հիմա չի ուզենա տեղեկացնել։ Այնուհետև խոսելով երթի մասին՝ ասաց․ «Մենք զարմացած ենք մարդկանց թվից։ Զգում ենք, թե ինչ մեծ աջակցություն կա մեզ, մեր գաղափարներին ու ինչ կարգի հակակրանք կա այս գործելաոճի նկատմամբ»։
Լրագրողները հետաքրքրվեցին՝ սա քաղաքական պայքարի մեկնա՞րկ է, նա պատասխանեց․ «Հետագայում հանդես կգանք պարզաբանումներով»։
Կարդացեք նաև
Լրագրողների փաստմանը՝ ՀԷՑ-ի շուրջ գործընթացը մեկնարկել է, Նարեկ Կարապետյանը պատասխանեց․ «Դա երկրորդական է»։
Տաթև ՀԱՐՈՒԹՅՈՒՆՅԱՆ
