«Իշխանազավթների դեմ պայքարողները իրավունքների պաշտպանություն չունեն և չունեն երաշխավորված իրավունքներ»,- «Հայաստան» խմբակցության պատգամավոր Արծվիկ Մինասյանի նկատմամբ քրեական հետապնդում հարուցելու հարցի քննարկման ժամանակ հայտարարեց «Պատիվ ունեմ» խմբակցության պատգամավոր Աննա Մկրտչյանը։
Ըստ պատգամավորի՝ ՀՀ-ում անձեռնմխելիություն ունի մի միավորի ընդամենը մի քանի ներկայացուցիչ, այն էլ այն փաստի պատճառով, որ իրենց դրել են օրենքից դուրս և ամեն գնով պատրաստ են այդ կարգավիճակը պահել՝ կլինի նիկոլահպատակությամբ, թե իրավական վախով, էական չէ․ «Գործիքակազմի մասին՝ կհիշեք վնգստացող դատավորներին, կհիշեք՝ էդ ո՞ր մի դատավորն է, որ իմ ասածը չպիտի անի, կհիշեք՝ ուզեք-չուզեք կալանքը պիտի տաք արտահայտությունը։ Այս օժանդակությանը միանում է քննչական և դատախազական ամբողջ համակարգը»։
Դիմելով ՀՀ գլխավոր դատախազին՝ Աննա Մկրտչյանն ասաց․ «Ձեզ հետ իրականում ամենավատ բանն է տեղի ունեցել, ինչ կարող էր տեղի ունենալ իրավաբանի հետ։ Դուք Նիկոլ Փաշինյանի, իշխանազավթի իրավաբանն եք դարձել»։
Կարդացեք նաև
Տաթև ՀԱՐՈՒԹՅՈՒՆՅԱՆ
