Վրաստանի նախկին նախագահ Միխեիլ Սաակաշվիլիի ֆեյսբուքյան գրառումը
Այն, ինչ տեղի է ունենում Հարավային Կովկասում, Ուկրաինայում Ռուսաստանի թուլացման ուղիղ հետևանքն է։
Անհաջող պատերազմի հետևանքով Նիկոլ Փաշինյանը Հայաստանում արեց այն, ինչ ես չարեցի 2011–2012 թվականներին՝ նա ձերբակալեց «հայ Իվանիշվիլիին»՝ միլիարդատեր Կարապետյանին։ Փաշինյանը պաշտոնապես որդեգրեց Եվրամիությանը միանալու ուղին։
Բաքուն սկսել է համագործակցել ՆԱՏՕ-ի հետ, Ադրբեջանը Ռուսաստանին դիտարկում է որպես ուղիղ սպառնալիք և ակտիվ քայլեր է ձեռնարկում իր քաղաքական, տնտեսական և մշակութային տարածքը ռուսական ազդեցությունից մաքրելու համար։ Բացի այդ, սկսվել է նաև Ադրբեջանի և Հայաստանի մերձեցումը, ինչը ծանր հարված է Ռուսաստանին։
Այս իրավիճակում Վրաստանը լիովին անոմալիա է։ Մի կողմից՝ հասարակությունը լիովին ատում է Իվանիշվիլիին և նրա ոհմակին: Այս ավազակախմբի բռնությունն ու անպատժելիությունը, անարդարությունն ու վայրագությունը վրացիներին արդարացիորեն համոզել են, որ միջազգային մեկուսացումը աղետալի է մեզ համար։ Նույնիսկ իրենք՝ սրիկաները (իշխող կուսակցությունը՝ «Վրացական երազանքը»), ամաչում են խոստովանել իրենց քաղաքական պատկանելությունը, քանի որ իրենք էլ դժվարություններ և նվաստացումներ են ապրում։
Կարդացեք նաև
Այս պայմաններում շարունակ լսվում է՝ «այսպես շարունակվել չի կարող» և «ինչ-որ բան պետք է պատահի»։ Բայց պետք է գիտակցենք, որ այդ «ինչ-որ բան»-ը ինքն իրեն չի պատահի։
Հասարակության ակտիվ մասը պետք է նախաձեռնությունն իր ձեռքը վերցնի և դադարի նույն շրջանով պտտվելը։ Աշխարհաքաղաքական գործընթացները շատ օգնում են մեզ, բայց մենք նույնպես ժամանակ չունենք կորցնելու։
Առաջնորդների պակասի պայմաններում ինքնակազմակերպումը միակ ճիշտ ելքն է։
Նկարը գեներացված է արհեստական բանականության միջոցով:
