«Վիրավորականն այն է, որ 30 տարուց ավելի լինելով պետական ծառայության մեջ՝ նման ցածրակարգ իրավական մտածողության մեղադրանք ես չէի հանդիպել։ Իմ բանականությունը, իմ ինտելեկտը մի վիրավորեք»,- իր նկատմամբ քրեական հետապնդում հարուցելու հարցի քննարկման ժամանակ հայտարարեց «Հայաստան» խմբակցության պատգամավոր Արծվիկ Մինասյանը։
Դիմելով ՀՀ գլխավոր դատախազ Աննա Վարդապետյանին՝ Արծվիկ Մինասյանն ասաց․ «Ո՞վ է Ձեզ տվել իրավունք այս աստիճանի բռնաբարել իրավունքը։ Դուք ի՞նչ արժանիք ունեք այսօր մնալու գլխավոր դատախազի պաշտոնում, երբ այս տարրական իրավական ընթացակարգը գլխի վրա շուռ եք տալիս։ Ակնհայտ որդեգրել եք իշխանության փաստաբանի, դատախազը լինելու պարտականությունը, արհամարհում եք իրավական նորմերը, բերված փաստարկները, կեղծիքն ու սուտը։ Առաջին հայացքից նկարագրված մի հեքիաթային, առասպելական, դժոխային պատկերը ներկայացնում եք որպես ճշմարտություն, դրանից հետո էլ տալիս եք իշխանությունը ներկայացնող քաղաքական անձանց հնարավորություն, որ հղում անելով Ձեզ՝ դատապարտեն մարդկանց։ Լավ է, որ ինձ մի հատ էլ չեք մեղադրել իշխանությունը զավթելու փորձի մեջ։ Նույն հաջողությամբ միջազգային ահաբեկչության մեջ էլ կմեղադրեիք, որ ես փորձել եմ օրենքի դրույթները պահելով՝ ապահովել շրջակա միջավայրի վրա բացասական ազդեցությունը։ Այս ամենն ինձ բերում է մեկ եզրահանգման՝ Դուք չեք կարող այս ոճով և այս որակի ներկայացված մեղադրանքով իմ հեղինակության վրա ազդել։ Մասնագիտական հանրությունն էլ, հասարակությունն էլ գիտի, հասկանում, պատկերացնում է, որ այս ամենը փուչիկ է, և այդ փուչիկը պայթելու է»։
Կարդացեք նաև
Տաթև ՀԱՐՈՒԹՅՈՒՆՅԱՆ
