«Գնացեք, որոշումները կարդացեք, պատճառաբանությունները տեսեք»,-այսօր ԲԴԽ-ից դուրս գալիս լրագրողների հարցերին այսպես պատասխանեց Բագրատ արքեպիսկոպոս Գալստանյանին եւ Միքայել արքեպիսկոպոս Աջապահյանին կալանավորած դատավոր Մասիս Մելքոնյանը։ Լրագրողները նկատել էին, որ իրեն մեղադրում են սրբազաններին՝ իշխանությունների հրահանգով կալանավորելու մեջ։
Նա հրաժարվեց պարզաբանումներ տալուց, լրագրողներին խորհուրդ տվեց՝ պատասխաններ ստանալու համար դիմել ԲԴԽ մամուլի խոսնակին եւ մեղադրեց լրագրողներին էթիկայի նորմեր խախտելու մեջ․ «Ես չեմ պատասխանում, դուք իմ կողքով վազում եք, հարցեր եք տալիս»։
Նելլի ԳՐԻԳՈՐՅԱՆ
