Ռուսաստանի տրանսպորտի նախարար Ռոման Ստարովոյտն ինքնասպան է եղել Մոսկվայի մարզի Օդինցովո քաղաքային շրջանում՝ պաշտոնը լքելուց մի քանի ժամ անց: Այս մասին հայտնում են ռուսական ԶԼՄ-ները: Ավելի վաղ՝ այսօր՝ հուլիսի 7-ին, ՌԴ նախագահ Վլադիմիր Պուտինը հրամանագիր է ստորագրել նրան տրանսպորտի նախարարի պաշտոնից ազատելու մասին:
«Հետաքննությունը պարզում է Ռուսաստանի տրանսպորտի նախկին նախարար Ռոման Վլադիմիրովիչ Ստարովոյտի մահվան հանգամանքները», – այս մասին հուլիսի 7-ին հայտնել է Ռուսաստանի քննչական կոմիտեի (ՔԿ) պաշտոնական ներկայացուցիչ Սվետլանա Պետրենկոն:
«Ռոման Ստարովոյտի դին հայտնաբերվել է իր մեքենայում՝ հրազենային վնասվածքով»,- նշվում է ՌԴ ՔԿ հաղորդագրության մեջ:
Ենթադրվում է, որ նախկին նախարարն ինքնասպան է եղել։
Կարդացեք նաև
Ստարովոյտը տրանսպորտի նախարար էր նշանակվել է 2024 թվականի մայիսին. մինչ այդ զբաղեցնում էր Կուրսկի մարզի նահանգապետի պաշտոնը։
Ստարովոյտի տեղը զբաղեցրել է Անդրեյ Նիկիտինը, որը նախկինում տրանսպորտի նախարարի տեղակալն էր:
Ինչպես հայտնել է ՌԴ նախագահի մամուլի քարտուղար Դմիտրի Պեսկովը, Ստարովոյտին հեռացնելու որոշումը կայացվել է այն պատճառով, որ Նիկիտինի որակավորումը լավագույնս է համապատասխանում է նախարարության ներկայիս պահանջներին: Կրեմլի խոսնակն ընդգծել է՝ «Ստարովոյտին Ռուսաստանի Դաշնության տրանսպորտի նախարարի պաշտոնից ազատելու վերաբերյալ պաշտոնական հրամանագրի տեքստը չի վկայում այն մասին, թե որոշումը կապված է վստահության կորստի հետ»։
Պետդումայի խոսնակ Վյաչեսլավ Վոլոդինը հայտարարել է, որ տրանսպորտի նախարարության նոր ղեկավարի հաստատման ընթացակարգը նախատեսված է հուլիսին՝ հենց որ վարչապետից ստացվի համապատասխան դիմումը։
