Լրահոս
Օրվա լրահոսը

Փաշինյանի կոչով հանրության՝ ԱԺ տարածք ներխուժելը ավարտված հանցագործությո՞ւն է, թե՝ ոչ Կյուրեղյանը՝ Վարդապետյանին

Հուլիս 07,2025 18:10

«Ասում եք՝ «բոյ» ենք տալիս արտահայտությունը նպատակադրում է ահաբեկչության։ Ես Ձեզ հետ «բոյ» եմ տալիս իրավական հարցումների համատեքստում, արդյոք դա իրավակա՞ն, թե՞ քաղաքական հետապնդում է, մարդիկ ասում են՝ գնում ենք դատարան «բոյ» տալու, դա արդյոք ահաբեկչությո՞ւն է, որ որպես հիմք ներկայացնում եք»,- ՀՀ գլխավոր դատախազ Աննա Վարդապետյանին հարցրեց ՀՀ ԱԺ  «Հայաստան» խմբակցության պատգամավոր Արմենուհի Կյուրեղյանը։

Այնուհետև վկայակոչելով նրա՝ «Հայաստան» խմբակցության պատգամավոր Արթուր Սարգսյանի նկատմամբ քրեական հետապնդում հարուցելու թույլտվություն ստանալու համար միջնորդագիրը, ասաց․ «Միջնորդագրում կա խոսակցություն, որտեղ խոսվում է ԱԺ բռնի կերպով մուտք գործելու մասին։ Դա նորից որպես ահաբեկչության նախապատրաստում եք դիտարկում։ Հիշենք հոկտեմբերի 2-ին, երբ Նիկոլ Փաշինյանի կոչով հանրությունը հավաքվեց, շրջապատեց ԱԺ տարածքը և ներխուժեց ԱԺ տարածք։ Հիմա դա արդեն ավարտված հանցագործությո՞ւն է Ձեր տերմիններով, թե ընդհանրապես դա չի կարելի դիտարկել հանցագործություն, բայց էս պարագայում դա նախապատրաստություն է»։

Աննա Վարդապետյանն ասաց․ «Մի քանի անգամ խոսեցինք ավարտված ու չավարտված հանցագործությունների մասին։ Հանցագործության նախապատրաստությունը չավարտված հանցագործություն է։ Ավարտված հանցագործություն լինելու դեպքում մենք ավարտված ահաբեկչություն կամ որևէ այլ հանցակազմ կմեղսագրեինք։ Բոլոր պլանավորված գործողությունները ներկայացվում են տևական ժամանակ պլանավորված համատեքստում, երբ կոնկրետ գործողություններ ունեն՝ ինչից հետո ինչ պիտի անեն։ Դուք ասում եք՝ ավարտված, բայց որ ավարտված մի արարք լիներ, ավարտված կվերագրեինք»։

Տաթև ՀԱՐՈՒԹՅՈՒՆՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հուլիս 2025
Երկ Երե Չոր Հնգ Ուրբ Շաբ Կիր
« Հուն    
 123456
78910111213
14151617181920
21222324252627
28293031